Նորաձևությունը
հաճախ է անակնկալներ մատուցում: Այդպիսի անակնկաներից են
տրանսֆորմեր-զգեստները՝ «Infinite dress », որոնք շատ ակտուալ են վերջին
տարիներին: Գնում ես մեկ զգեստ, իսկ արդյունքում ունենում ես հարյուրից
ավելի զգեստներ:
Այն շատ հարմար է ճանպարհորդելու համար՝ քիչ տեղ է զբաղեցնում, միևնույն
ժամանակ կարող է որպես նոր զգեստ հանդես գալ ցանկացած իրավիճակում:
Աշխատավայրում այն կարող է լինել խիստ գործնական, իսկ երեկոյան մեկ-երկու
աննշան ձևափոխումով վերածվել էլեգանտ երեկոյան զգեստի: «Infinite dress »-ի
հայտնագործողը ամերիկուհի Լիդիա Սիլվեստրիին է: Լիդիա Սիլվեստրիի
մասնագիտության առանձնահատկությունները պահանջում էին անընդհատ շարժման մեջ
լինել և միևնույն ժամանակ ունենալ էլեգանտ ու ճաշակով արտաքին: Մեկ անգամ
նա գործուղման մեկնեց մեկ փոքրիկ պայուսակով, և ամբողջ շաբաթվա ընթացքում
նրա գործընկերները ոչ մի կերպ չէին կարողանում հասկանալ, թե ինչպես է
Լիդիան հաջողացնում ամեն օր նոր զգեստ կրել:
Լիդիան իր զգեստի առաջին ցուցադրությունը կազմակերպեց Լոնդոնում, որի
ընթացքում ցուցադրվեցին զգեստի հարյուրից ավելի նմուշներ, և միայն վերջում
բացվեց գաղտնիքը. Բոլոր նմուշները մեկ զգեստի տարբերակներն էին:
Այժմ կարելի է հանդիպել այդպիսի զգեստը կրելու 200-ից ավելի տարբերակներ:
No comments:
Post a Comment
Note: Only a member of this blog may post a comment.