Երգչուհի Դալիթա Ավանեսյանը նկարահանել է նոր տեսահոլովակ` «Մամ ջան», նույնանուն երգի հիման վրա, որը շուտով կհանձնվի հանրության դատին։ Նկարահանման մանրամասները պարզելու համար իմ կայքը հարցազրույց անցկացրեց Դալիթայի հետ։
Ինչպե՞ս որոշվեց նկարահանել տեսահոլովակ և ինչու՞ ընտրվեց հենց այս երգը:Գարնանային տոներին ընդառաջ` մոտ մեկ ամիս առաջ, երգահան Էդմոնդ Մակարյանը օրիգինալ անակնկալ արեց ինձ` նվիրելով «Մամ ջան» երգի երաժտությունը։ Հեղինակի հետ միասին մշակեցինք երգի խոսքերը, որի հիման վրա էլ վերջերս նկարվեց տեսահոլովակը։ Առաջին անգամ չէ, որ համագործակցում եմ Էդմոնդ Մակարյանի հետ և կարծում եմ շատ հետաքրքիր է ստացվել։
Ո՞վ է աշխատել տեսահոլովակի վրա:Տեսահոլովակի վրա մեծ թիմ է աշխատել, հանձինս G&G ստուդիայի։ Ոճաբանը Արմեն Գալյանն է, իսկ գործիքավորման հեղինակը` Գարիկ Գեորգին։ Երգը ձայնագրվել է Հայկոյի «H» ձայնագրման ստուդիայում։
Որտե՞ղ են անցկացվել տեսահոլովակի նկարահանումները:Սկզբում նկարահանումները անց են կացվել սպիտակ տաղավարում, իսկ այնուհետև գեղեցիկ առանձնատանը, որով և եզրափակել ենք հոլովակը։
Հարցազրույցի վերջում Դալիթան ցանկացավ նշել, որ
շնորհակալություն է հայտնում բոլոր նրանց, ովքեր օգնել են իրեն այս
տեսահոլովակին ծնունդ տալու գործում ` հանձինս իր սիրելի մայրիկի։
Երգչուհին շնորհավորում է իր մայրիկի, տատիկի և բոլոր կանանց «մայրության և
գեղեցկության» տոնն ու նվիրում է այս գեղեցիկ տեսահոլովակը։
No comments:
Post a Comment
Note: Only a member of this blog may post a comment.